Rasman: Leonardu Jardim — «Flamengo»ning yangi bosh murabbiyi

«Flamengo» klubi bosh murabbiy lavozimiga Leonardu Jardim tayinlanganini e'lon qildi. Portugaliyalik mutaxassis Karioka Ligasi yarim finalida «Madureyra» ustidan qozonilgan 8:0 hisobidagi g'alabadan so'ng iste'foga chiqarilgan Felipe Luisning o'rnini egalladi.

«Yangi murabbiy shartnoma imzoladi va sport direktori Xose Botodan muqaddas libosni qabul qilib oldi!» — deyiladi klubning X ijtimoiy tarmog'idagi sahifasida berilgan xabarda.

Shartnoma 2027 yilning dekabriga qadar tuzilgan. Jardimning murabbiylar shtabidan Antoniu Vieyra, Joze Barros va Diogu Diash o'rin oldi. Yangi murabbiylar jamoa bilan ilk mashg'ulotini o'tkazib bo'lishdi. Rasmiy taqdimot marosimi payshanba kuni, 5 martda bo'lib o'tadi.

Jardimning oxirgi ish joyi «Kruzeyro» klubi bo'lib, u erni 2025 yilning dekabrida tark etgan edi. Avvalroq u «Sporting», «Monako», «Olimpiakos», «Braga», «Al-Hilol» va boshqa klublarni ham boshqargan.