Brunu Fernandeshning "MYu"da qolishi nimaga bog'liqligi ma'lum bo'ldi

"Manchester Yunayted" 31 yoshli portugaliyalik yarim himoyachi Brunu Fernandeshga yaxshilangan shartnoma taklif qilishga tayyor. Yangi kelishuv shartlariga ko'ra, futbolchi haftasiga 400 000 funt sterlinggacha maosh olishi mumkin.

Biroq, manbalarning ta'kidlashicha, faoliyatining ushbu bosqichida Brunu Fernandeshni pul qiziqtirmayapti. Portugaliyalik futbolchi agar klub keyingi mavsum uchun Chempionlar ligasi yo'llanmasini qo'lga kiritsagina, "MYu"da qolish haqida qaror qabul qilishi mumkin.

Hozirda "Manchester Yunayted" APLda uchinchi o'rinni egallab turibdi va ushbu pozitsiya orqali asosiy evrokubok turniriga yo'l olmoqda. Avvalroq Fernandesh "MYu"dan Saudiya Arabistoni chempionatiga o'tishi mumkinligi haqida xabar berilgan edi.