Kerrik davrida Sheshko «ochildi»: Sloveniyalik hujumchi «Manchester Yunayted» to'purariga aylandi

Yil boshida Angliyaning «Manchester Yunayted» klubida murabbiy almashdi — 4 yanvar kuni «Lids» bilan qayd etilgan durang natijadan so'ng Ruben Amorim iste'foga chiqarildi. Navbatdagi o'yinda, ya'ni 7 yanvar kuni jamoani Maykl Kerrik maydonga boshlab tushdi va Benyamin Sheshko «Byornli» darvozasiga ikkita to'p kiritdi.

Keyingi chempionat bahslarida sloveniyalik hujumchi raqiblar darvozasini yana to'rt bor ishg'ol qildi. Bu esa klubga sakkizta o'yinda oltita g'alabadan iborat ajoyib seriyani qayd etish imkonini berdi. Natijada, yangi murabbiy qo'l ostida Sheshko kutilmaganda «Manchester Yunayted»ning eng yaxshi to'purariga aylandi — hozirda uning hisobida oltita gol mavjud. Amorim davrida esa u bor-yo'g'i ikkita gol urgan edi.