Van Deyk «Liverpul»ning mag'lubiyati haqida nimalar dedi?

«Liverpul» sardori Virgil van Deyk jamoasining Premer-liga doirasida «Vulverxempton»ga (1:2) qarshi kechgan bahsdagi muvaffaqiyatsizligiga izoh berdi.

Chempionatning asosiy autsayderi «qizillar» bilan o'yinning 94-daqiqasida gol urib, g'alabani ilib ketdi.

«Bunda faqat o'zimiz aybdormiz. Biz juda sekin va raqib uchun tushunarli tarzda harakat qildik, to'p bilan ishlashda e'tiborsizlikka yo'l qo'ydik va noto'g'ri qarorlar qabul qildik. Raqib u qadar ko'p vaziyat yaratgani yo'q, biroq sen shunday o'ynasang, har doim bunday holat yuz berishi mumkin. Juda hafsalani pishiradigan yakun bo'ldi», — dedi van Deyk TNT Sports nashriga bergan intervyusida.

Arne Slot jamoasi 48 ochko bilan turnir jadvalida beshinchi o'rinda bormoqda. «Bo'rilar» esa hamon so'nggi pog'onada — ularning hisobida 16 ochko bor va shundan 6 ochkosi oxirgi ikkita uchrashuvda qo'lga kiritildi.