Simeonening Flikka aytgan gaplari ma'lum bo'ldi

Madridning «Atletiko» klubi bosh murabbiyi Diego Simeone Ispaniya Kubogi yarim final qarama-qarshiligidagi muvaffaqiyatdan so'ng «Barselona» ustozi Xans-Diter Flikka murojaat qildi.

«Matraschilar» «Kamp Nou»da 0:3 hisobida mag'lubiyatga uchrashdi, biroq dastlabki uchrashuvdagi 4:0 hisobidagi g'alaba evaziga finalga yo'l olishdi.

«Men Flikka shunday dedim: «Sizlar ajoyib o'ynayapsiz va umid qilamanki, biz Chempionlar ligasi chorak finalida yana to'qnash kelamiz», — dedi Simeone o'yindan keyingi intervyusida.

Eslatib o'tamiz, Chempionlar ligasi 1/8 finalida «Atletiko» Londonning «Tottenxem» jamoasi bilan, «Barselona» esa Angliya premer-ligasining boshqa bir vakili — «Nyukasl» bilan kuch sinashadi.