«Barselona» fanatlari «Atletiko» avtobusiga hujum qilishdi

«Barselona» muxlislari «Atletiko» futbolchilarining sog'lig'iga zarar etkazishlariga bir bahya qoldi. Jamoalar bugun Ispaniya Kubogi yarim finali doirasida «Kamp Nou»da to'qnash kelishmoqda.

«COPE» nashrining xabar berishicha, «blaugrana» ultraslari stadionga yaqinlashib kelayotgan Madrid jamoasi avtobusini turli buyumlar bilan toshbo'ron qilishgan. Ishqibozlar avtobus oynalaridan birini sindirishga muvaffaq bo'lishgan, biroq «Atletiko» vakillaridan hech kim jabrlanmagan.