Niderlandiyaning ikkinchi divizioni klubi dunyoda pressing qilish bo'yicha birinchi bo'ldi (TOP 10)
/ Kiritdi: BestMaster Ko'rilgan: 1508
Xalqaro sport tadqiqotlari markazi (CIES) dunyoning 56 ta ligasi jamoalari o'rtasida pressing darajasiga ko'ra reytingni e'lon qildi.
Ushbu reytingda pressing qo'llash vaqtida o'z darvozasidan bo'lgan masofa, raqibning to'pga egalik qilishini to'xtatish tezligi, raqib uzatmalariga nisbatan himoya harakatlari chastotasi, shuningdek, to'pga ega bo'lmagan vaqtda maydonning uchinchi qismida (hujumda) fol ishlatishga moyillik kabi parametrlar hisobga olingan.
Reytingning birinchi pog'onasini Niderlandiya ikkinchi ligasi vakili «Den Xaag» egalladi. Ushbu jamoa 100 ballik shkala bo'yicha maksimal ballni qo'lga kiritdi. 41 yoshli Krishtianu Ronaldu to'p suradigan «An-Nasr» esa 95,2 ball bilan 10-o'rinni band etdi.
E'tiborli jihati shundaki, dunyoning kuchli beshlik ligalaridan birorta ham klub umumiy reytingda birinchi o'ntalikka kira olmagan.
Agar faqat dunyoning eng kuchli beshta ligasini (Angliya, Ispaniya, Italiya, Germaniya, Frantsiya) ko'rib chiqadigan bo'lsak, eng yaxshi o'ntalik quyidagicha ko'rinish olgan:
«Komo» — 94,5 ball
«PSJ» — 94,2 ball
«Bavariya» — 93,3 ball
«Xoffenxaym» — 90,5 ball
«Roma» — 90,4 ball
«Barselona» — 89,7 ball
«Manchester Siti» — 88,7 ball
«Bolonya» — 88,3 ball
«Atletik» — 88,2 ball
«Shtutgart» — 87,6 ball
Bosh sahifaga
159