Rodrigo mavsum oxirigacha safdan chiqqan bo'lishi mumkin

"Real Madrid" klubi hujumchisi Rodrigo Goes Ispaniya chempionatining 26-turidagi "Xetafe"ga qarshi o'yinda (0:1) o'ng tizzasining xochsimon bog'lamlarini jarohatladi. Bu haqda OK Diario xabar berdi.

Manba ma'lumotiga ko'ra, eng yomon stsenariyda braziliyalik futbolchida bog'lamlarning to'liq uzilishi kuzatilgan bo'lishi mumkin. Bu holatda u mavsumning qolgan qismini, shuningdek 2026 yilgi jahon chempionatini o'tkazib yuborishi xavfi ostida qoladi. Eng yaxshi holatda esa Rodrigoda cho'zilish qayd etilgan bo'lishi mumkin.

«Qaymoqranglar» hujumchisi jarohat olganiga qaramay, «Xetafe»ga qarshi bahsni davom ettira oldi. Rodrigo "Santyago Bernabeu" stadionidagi o'yinga 55-daqiqada maydonga tushirildi va uchrashuvni yakuniga qadar o'tkazdi.