"Real" Soboslai bo'yicha muzokaralarni boshlashni rejalashtirmoqda

"Liverpul" etakchisi Dominik Soboslai "Real"ga o'tishga tayyor ekanligini ma'lum qildi. U kelayotgan yozda transferni amalga oshirishga tayyor.

Avvalroq OAVda vengriyalik futbolchi uchun "Real"ga o'tish eng katta orzu ekanligi haqida xabarlar tarqalgan edi. U bolaligidan buyon "Qirollik klubi"ga muxlislik qilishi aytiladi.

"Liverpul" Soboslaini o'zi uchun manfaatli bo'lgan shartlar asosida qo'yib yuborishga tayyor. "Real" yaqin vaqt ichida Dominik bo'yicha muzokaralar jarayonini boshlashni rejalashtirmoqda.