«G'oyalarimiz to'liq amalga oshmadi»: Amorimning sobiq yordamchisi «MYu» haqida

«Manchester Yunayted»ning sobiq bosh murabbiyi Ruben Amorim bilan birga ishlagan murabbiy Adeliu Kandidu klubdan ketishi haqida fikr bildirdi.

«Men Manchesterni va futbol bilan nafas oluvchi klub muxlislarini chin dildan yaxshi ko'rib qoldim. Ular yaqin oradagi natijalarga emas, balki loyihaning uzoq muddatli rivojlanishiga e'tibor qaratishadi. Biroq bizning g'oyalarimiz to'liq amalga oshirilmagani menga yoqmadi», — deya Kandiduning so'zlaridan iqtibos keltiradi A Bola nashri.

Eslatib o'tamiz, 13 yanvar kuni Maykl Kerrik jamoaning yangi bosh murabbiyiga aylandi. Hozircha uning ushbu lavozimga doimiy asosda tasdiqlanishi noma'lum bo'lib qolmoqda. «Manchester Yunayted» ayni damda APL turnir jadvalida uchinchi o'rinni egallab turibdi.