Argentinalik yulduz «Real»dan o'yin vaqti kafolatini so'ramoqda, «Inter» vaziyatdan foydalanib ketishi mumkin

«Komo» klubining 21 yoshli argentinalik yarim himoyachisi Nikolas Pas Madridning «Real» klubiga qaytishi mumkinligi borasida ikkilanmoqda. Bu haqdagi ma'lumotni Italiyaning Tuttosport gazetasi chop etdi.

Bundan avval «Real» joriy mavsum yakunlanganidan so'ng o'z tarbiyalanuvchisini qaytarishni rejalashtirayotgani haqida bir necha bor xabar berilgan edi.

Biroq, manbaning ma'lumotlariga ko'ra, Pas «Real»ga faqatgina etarli o'yin vaqti kafolatlansagina qaytishga tayyor. Yosh futbolchi jamoada muhim rol o'ynashni istamoqda.

Ta'kidlanishicha, ushbu vaziyatdan Milanning «Inter» klubi foydalanib qolishi mumkin. «Nerradzurrilar» Pasni muntazam o'yin amaliyoti bilan ta'minlashga tayyor.

Ushbu mavsumda yarim himoyachi barcha turnirlarda 29 ta uchrashuvda ishtirok etib, o'nta gol urdi va oltita golli uzatmaga mualliflik qildi.