«Flamengo» 8:0 hisobidagi g'alabadan so'ng Filipe Luisni iste'foga chiqardi

«Flamengo» bosh murabbiyi Filipe Luis iste'foga chiqarildi, bu haqda Globo jurnalistlari xabar bermoqda. Bu voqea «qizil-qoralar»ning «Madureyra» ustidan 8:0 hisobida qozonilgan g'alabasidan so'ng yuz berdi.

Manbaning qayd etishicha, tomonlar hamkorlikni to'xtatish bo'yicha qarorni o'yin boshlanishidan oldin qabul qilishgan. Filipe Braziliya jamoasi ustozi lavozimini 2024 yildan beri egallab kelayotgan edi.

Futbolchilik faoliyati davomida Luis Londonning «Chelsi» va Madridning «Atletiko» klublaridagi ishtiroki bilan ajralib turgan. U Ispaniya va Angliya chempioni, shuningdek, Evropa Ligasi g'olibi bo'lgan.

Braziliya terma jamoasi tarkibida Filipe 44 ta uchrashuv o'tkazib, 2 ta gol urishga muvaffaq bo'lgan.