«Real» 2018/19 yilgi mavsumdan beri ilk bor bunday muvaffaqiyatsizlikka uchradi

«Real» Ispaniya chempionatida 2018/19 yilgi mavsumdan buyon ilk bor ketma-ket ikki marta mag'lubiyatga uchradi.

Murabbiy Alvaro Arbeloa jamoasi La Liganing 26-turida «Xetafe»ga (0:1) imkoniyatni boy berdi. Bundan oldingi turda esa madridliklar «Osasuna»dan mag'lub bo'lishgan edi (1:2).

«Qaymoqranglilar» 2018/19 yilgi mavsumdan beri Ispaniya chempionatida ketma-ket ikki bor yutqazishmagan edi. O'shanda, 2018 yilning oktyabrida ketma-ket uchta, 2019 yilning may oyida esa ketma-ket ikkita mag'lubiyat qayd etilgandi.