«Real»ning faqat bir o'yinchisi mag'lubiyatdan so'ng muxlislardan uzr so'radi

"Real Madrid" jamoasi darvozaboni Tibo Kurtua Ispaniya La Ligasining 26-turida o'z maydonida "Xetafe"ga 0:1 hisobida mag'lub bo'lgan o'yindan keyin muxlislardan uzr so'radi. Bu haqda Madrid Zone ijtimoiy tarmoqdagi X sahifasi El Mundo nashriga tayanib xabar berdi.

Manba ma'lumotiga ko'ra, aynan Kurtua «Qirollik klubi» futbolchilari orasida muxlislar sektori tomon borib, ularga minnatdorlik bildirgan va uzr so'ragan yagona o'yinchi bo'ldi.

Shuningdek, o'yindan keyin «Real»ning boshqa futbolchilari maxsus intervyu hududida ommaviy axborot vositalari vakillari bilan muloqotni inkor etgani ta'kidlanmoqda.

Mazkur uchrashuvdan so'ng «Real» 60 ochko bilan Ispaniya chempionati turnir jadvalida ikkinchi o'rinda bormoqda. Peshqadamlikni 64 ochko bilan "Barselona" egallab turibdi. "Xetafe" esa 32 ochko bilan 11-pog'onada joylashgan.

Manba: championat.com