«Barselona»ning La Ligada «Real» bilan oradagi farqi oshdi (Turnir jadvali)

«Barselona» La Liga turnir jadvalidagi ustunligini yanada mustahkamladi.

26-turda Xansi Flik shogirdlari «Vilyarreal»ni tor-mor etdi (4:1), Alvaro Arbeloa boshchiligidagi «Real» esa «Xetafe»ga imkoniyatni boy berdi (0:1).

Ayni damda kataloniyaliklar hisobida 64 ochko mavjud, 60 ochko to'plagan madridliklar esa peshqadamdan 4 ochkoga ortda qolmoqda.

Kuchli uchlikni 51 ochko bilan «Atletiko» yakunlab turibdi. To'rtinchi o'rinda borayotgan «Vilyarreal» hisobida ham xuddi shuncha ochko bor.