Florentino Peres "Real" himoyasini kuchaytiradigan futbolchi tanladi

Nufuzli manba "Real Madrid" klubining yozgi transfer oynasi uchun shov-shuvli maqsadini ma'lum qildi.

Madrid klubi Dortmundning "Borussiya" jamoasi himoyachisi Niko Shlotterbek bilan shartnoma imzolashni rejalashtirmoqda. Futbolchining amaldagi mehnat shartnomasi 1,5 mavsumdan so'ng o'z yakuniga etadi. Shuningdek, Shlotterbekning nomi "Liverpul" klubi bilan ham bog'lanmoqda.

Bundesligining joriy mavsumida Niko Shlotterbek Dortmundning "Borussiya" klubi safida 18 ta uchrashuvda maydonga tushdi. Ushbu bahslarda himoyachi to'rtta gol urdi va ikkita golli uzatmani amalga oshirdi.