FIFA AQSh va Isroilning chetlatilishi borasidagi so'rovni javobsiz qoldirdi

FIFA AQSh va Isroil terma jamoalarining xalqaro musobaqalardagi ishtirokini to'xtatib qo'yish ehtimoli haqidagi TASS so'rovini e'tiborsiz qoldirdi.

Tegishli so'rov federatsiya manziliga ikki marta — 28 fevral va 1 mart kunlari yuborilgan, biroq shu paytgacha hech qanday javob kelib tushmagan.

Eslatib o'tamiz, har ikki davlat Eronga qarshi harbiy harakatlarni boshlagan. Bunga javoban Tehron AQShning Yaqin Sharq mamlakatlaridagi harbiy bazalariga hujum qildi. Zarbalar ostida fuqarolik ob'ektlari ham qolmoqda. Avvalroq FIFA AQSh mezbonlik qilishi kerak bo'lgan 2026 yilgi Jahon chempionati oldidan vaziyatni kuzatib borayotganini ma'lum qilgan edi.

Eron terma jamoasi esa allaqachon jahon birinchiligini boykot qilish bilan tahdid qildi.