Gabriel «Chelsi» ustidan qozonilgan g'alaba haqida: «Jamoaning bor kuchi bilan harakat qilganidan mamnunman»

Londonning «Arsenal» klubi himoyachisi Gabriel Magalyayns APL 28-turi doirasida «Chelsi»ga qarshi kechgan qiyin o'yindagi g'alabadan so'ng jamoadoshlarini maqtadi. Uchrashuv 2:1 hisobida yakunlandi va «kanonirlar» o'zlarining mag'lubiyatsiz seriyasini 9 ta o'yinga etkazib olishdi.

«Bu chinakam katta uchrashuv bo'ldi, shuning uchun 3 ochkoni qo'lga kiritganimizdan juda xursandman. Maydondagi har bir futbolchi aql bovar qilmas darajada o'ynadi. Bizni nima kutayotganini bilardik, ayniqsa, hammaning ko'rsatgan fidoyiligi va bor kuchi bilan harakat qilganidan mamnunman», — deya Gabrielning so'zlarini keltiradi «Arsenal» rasmiy sayti.

Eslatib o'tamiz, «Arsenal» turnir jadvalida birinchi o'rinda bormoqda. Ushbu g'alabadan so'ng Mikel Arteta shogirdlari hisobidagi ochkolar soni 64 taga etdi.