Endrik «Lion»da to'xtamayapti: 8 ta o'yinda 9 ta golli harakat

«Lion» hujumchisi Endrik jamoa safidagi 8 ta o'yinda 9 ochko (gol+pas) jamg'arishga muvaffaq bo'ldi.

«Real Madrid»dan mavsum yakuniga qadar ijaraga olingan 19 yoshli braziliyalik futbolchi Liga 1ning 24-turidan o'rin olgan «Marsel»ga qarshi bahsda Koranten Tolissoga golli uzatma etkazib berdi. Shuningdek, u ikkinchi bo'limda Remi Imberning goliga ham assistentlik qildi (2:3).

Endilikda Endrikning «Lion» safidagi 8 ta o'yindan iborat ko'rsatkichi quyidagicha ko'rinish oldi: 5 ta gol (1 tasi penaltidan), 4 ta golli uzatma, 2 ta sariq va 1 ta qizil kartochka.