Fernandesh: «MYu» xarakter ko'rsatdi va muhim uch ochkoni qo'lga kiritdi»

«Manchester Yunayted» etakchisi Brunu Fernandesh Angliya Premer-ligasining 28-turi doirasida «Kristal Pelas» ustidan qozonilgan g'alabadan (2:1) keyin o'z hissiyotlari bilan o'rtoqlashdi.

«Juda muhim uch ochko. «MYu» uchrashuv davomida hisobda orqada borayotgan edi, biroq o'z xarakterini ko'rsata oldi. Maqsadimiz g'alaba qozonish edi va biz bunga erishdik. Oldinda hali o'yinlar ko'p, biz ochko yig'ishda davom etishimiz kerak», — deya portugaliyalik yarim himoyachining so'zlarini Sky Sports nashri keltirmoqda.

Angliya chempionatining 28-turidan so'ng «Manchester Yunayted» 51 ochko jamg'argan holda turnir jadvalida to'rtinchi o'rinni egallab turibdi. Maykl Kerrik shogirdlari peshqadam «Arsenal»dan 13 ochkoga ortda qolmoqda.