Nagelsmann Goretskaning ustunliklarini sanab o'tdi

Germaniya terma jamoasi bosh murabbiyi Yulian Nagelsmann "Bavariya" yarim himoyachisi Leon Goretskaga ishonishda davom etmoqda.

Garchi xavbek joriy mavsum yakunlanganidan keyin Myunxen klubini tark etadigan bo'lsa-da, milliy jamoada unga hamon muhim rol ajratilgan.

"Bu mavsumda Goretska "Bavariya"da unchalik ko'p o'yin amaliyotiga ega bo'lmayapti, ammo unda jahon chempionatida taxminan saralash o'yinlaridagi kabi rolda o'ynash uchun barcha imkoniyatlar bor. U jarima maydonchasi ichiga yorib kirishni qoyillatadi, havodagi kurashlarda kuchli va jamoaga jismoniy quvvat bag'ishlaydi. Shimoliy Irlandiya bilan o'yinni eslang: Goretskasiz biz aniq g'alaba qozona olmasdik — u boshi bilan 60 marta to'pni qaytarib yubordi. JCh-2026da ham biz yuqori pressing qo'llaganimizda, raqib uzun uzatmalar bilan o'ynaydigan vaziyatlar bizni kutmoqda", — dedi Nagelsmann.

Shu oyning oxirida Germaniya terma jamoasi Shveytsariya va Gana terma jamoalariga qarshi o'rtoqlik uchrashuvlarini o'tkazadi.