Messi yana bir tarixiy natijani qayd etdi

"Inter Mayami" forvardi Lionel Messi MLS doirasida "Orlando Siti"ga qarshi kechgan bahsda (4:2) jarima zarbasidan gol urib, yangi rekord o'rnatdi.

38 yoshli futbolchi uchrashuvda dubl qayd etdi — uning 90-daqiqadagi ikkinchi goli to'g'ridan-to'g'ri jarima zarbasi orqali kiritildi. Inter Miami News Hub nashrining xabar berishicha, argentinalik yulduz 2008 yildan buyon har yili kamida bir marta jarimadan gol urib kelmoqda — ketma-ket 19 kalendar yili davomida. Bu jahon futbolidagi yangi rekorddir.

Lionel Messining jarima zarbalaridan gol urish bo'yicha eng yuqori ko'rsatkichi 2018 yilga to'g'ri kelgan bo'lib, o'shanda u o'nta standart vaziyatni golga aylantirgan edi.

Sakkiz karra "Oltin to'p" sohibi 2023 yilning yozida "Inter Mayami" safiga kelib qo'shilgan edi. Uning amaldagi shartnomasi 2028 yilgi mavsum yakunida o'z nihoyasiga etadi.