"Yuventus"ning g'alabasiz seriyasi davom etadi

"Yuventus" Italiya A Seriyasidagi g'alabasiz seriyasini to'rtta o'yinga etkazdi.

Murabbiy Luchano Spalletti shogirdlari Italiya chempionatining 27-turida "Roma" bilan durang o'ynashdi (3:3). E'tiborlisi, turinliklar 78-daqiqagacha 1:3 hisobida mag'lub bo'layotgan edilar.

Bunga qadar turinliklar "Latsio" bilan durang (2:2) qayd etishgan, shuningdek, "Inter" (2:3) va "Komo" (0:2) jamoalariga imkoniyatni boy berishgan edi.

Hozirda "Yuventus" 47 ochko jamg'argan holda A Seriya turnir jadvalida 6-o'rinni egallab turibdi. Jamoa 7 mart kuni o'z maydonida "Piza"ni qabul qiladi.