Ter Shtegen JCh-2026 ni o'tkazib yuboradimi? Nagelsmann darvozabonning jarohatlariga izoh berdi

Germaniya terma jamoasi bosh murabbiyi Yulian Nagelsmann Jahon chempionati arafasida darvozabon Mark-Andre ter Shtegenning holati bo'yicha o'z fikrlari bilan o'rtoqlashdi.

Germaniyalik posbon bir qator jarohatlardan so'ng «Barselona» asosiy tarkibidagi o'rnini yo'qotgan edi, shu sababli qishki transfer oynasida o'yin amaliyotiga ega bo'lish uchun «Jirona»ga ijaraga yo'l oldi. Biroq ko'p o'tmay, 33 yoshli futbolchi yana bir jiddiy jarohat oldi.

«Shubhasiz, bu ter Shtegen uchun juda fojiali vaziyat — oddiygina harakat jarohatga olib keldi. Uning terma jamoadagi faoliyati tarixini hisobga olsak, aynan hozir uning asosiy darvozabon bo'ladigan vaqti kelgan edi.

Kitob hali to'liq yopilgani yo'q, ammo hammasini sinchiklab o'ylab ko'rish kerak. Shuni ham inobatga olish lozimki, u ushbu jarohatiga qadar ham deyarli bir yil davomida maydonga tushmagan edi», — dedi Nagelsmann.

Eslatib o'tamiz, Jahon chempionati shu yilning iyun-iyul oylarida AQSh, Kanada va Meksikada bo'lib o'tadi.