Eronning JChdagi o'rnini BAA yoki Iroq egallashi mumkin: Eron futbol federatsiyasi rahbaridan xavotirli bayonot

Yaqin Sharqdagi voqealar fonida Eron terma jamoasining asosan AQShda bo'lib o'tadigan Jahon chempionatini o'tkazib yuborishi mumkinligi ancha mantiqiy ko'rinmoqda. Eron fuqarolari uchun Amerika Qo'shma Shtatlariga tashrif buyurishda viza olish bilan bog'liq muammolarni hisobga olsak, bunday stsenariy ehtimoli avvalroq ham tilga olingan edi.

«Jahon chempionati va AQShning Eronga bo'lgan hujumiga kelsak, bizning Jahon chempionatida ishtirok eta olishimizga ishonishim qiyin. Lekin buni men hal qilmayman», — deya jurnalistlarning savoliga javob berdi Eron futbol federatsiyasi rahbari Mehdi Taj.

Agar Eron terma jamoasi Jahon chempionatini o'tkazib yuboradigan bo'lsa, uning o'rnini katta ehtimol bilan BAA yoki Iroq terma jamoalari egallashi mumkin.