Kerrik APL rekordini takrorladi: "MYu" ustozidan fenomenal natija

Yanvar oyida Maykl Kerrik murabbiylik lavozimiga tayinlanganidan beri "Manchester Yunayted" Premer-liga doirasidagi ettita o'yinda oltita g'alaba va bitta durang qayd etdi. 2021 yilda Kerrik boshqaruvida "qizil iblislar" Angliya chempionatida ikkita o'yin o'tkazib, to'rt ochko jamg'arishgan edi.

Shunday qilib, Kerrik Premer-liga murabbiyi sifatida jami to'qqizta o'yin o'tkazdi va yig'ish mumkin bo'lgan 27 ochkodan 23 tasini qo'lga kiritdi.

Opta statistika mutaxassislarining xabar berishicha, APLdagi dastlabki to'qqizta o'yinda 23 ochko to'plash — bu murabbiylik rekordining takrorlanishidir. Angliya ligasidagi ilk to'qqizta bahsida xuddi shuncha ochkoni Ange Postekoglu ham jamg'argan edi. Hech kim bundan yaxshiroq yoki kamida shunday natija bilan start ololmagan.

Chorshanba kuni, 4 mart sanasida "Manchester Yunayted" safarda "Nyukasl"ga qarshi maydonga tushadi.