"Liverpul" "Real"dan Rodrigoni o'z safiga qo'shib olmoqchi

Angliyaning "Liverpul" klubi 25 yoshli braziliyalik hujumchi Rodrigo Goes bilan shartnoma imzolash imkoniyatini ko'rib chiqmoqda. Bu haqda futbol insayderi Ekrem Konur yozmoqda.

Jurnalistning ta'kidlashicha, "Liverpul" Rodrigo misrlik forvard Muhammad Salohning o'rnini bosa olishiga ishonmoqda. Ommaviy axborot vositalarining xabar berishicha, misrlik futbolchi katta ehtimol bilan yozda jamoani tark etadi.

Rodrigo 2019 yilda "Santos"dan o'tganidan beri "Real" sharafini himoya qilib kelmoqda. Joriy mavsumda u klub safida 26 ta o'yinda maydonga tushib, 3 ta gol urdi va 4 ta golli uzatmani amalga oshirdi.