Iliya Topuriya MMAdagi o'zi to'qnash kelgan eng qiyin raqib nomini aytdi

Engil vazn toifasida UFC chempioni, 29 yoshli mag'lubiyatsiz ispano-gruzin jangchisi Iliya Topuriya MMAdagi faoliyati davomida duch kelgan eng murakkab raqibi kimligini ma'lum qildi.

"Bu — Volkanovski. U juda aqlli jangchi, shuningdek, qanday jang qilishni yaxshi biladi. Aleks ancha hisob-kitob bilan harakat qiladigan sportchi", — deya Topuriyaning so'zlarini keltiradi Sportskeeda portali.

Ispano-gruzin sportchisi professional MMAdagi debyutini 2015 yilning aprelida amalga oshirgan. Iliyaning hisobida 17 ta g'alaba mavjud bo'lib, ulardan faqat ikkitasi hakamlar qarori bilan qo'lga kiritilgan.