«Lids» muxlislari ro'zador futbolchilar uchun to'xtatilgan o'yinni hushtakbozlik bilan kutib olishdi, Pep esa ularga javob qaytardi
/ Kiritdi: BestMaster Ko'rilgan: 34
«Manchester Siti» bosh murabbiyi Pep Gvardiola APL 28-turidan o'rin olgan bahsda «Lids» muxlislari tomonidan yangragan hushtakbozlikka o'z munosabatini bildirdi.
O'yinning birinchi bo'limi davomida bosh hakam Piter Benks Ramazon oyida ro'za tutayotgan futbolchilar iftorlik qilib olishlari uchun o'yinni to'xtatgan edi.
«Zamonaviy dunyo shunaqa, to'g'rimi? Hozir, ayni damda dunyoda nimalar bo'layotganiga bir qarang. Dinlarni hurmat qiling, xilma-xillikni hurmat qiling – asosiy maqsad mana shunda! Bu qoida.
To'xtalish — bizning qarorimiz emas, Premer-liga: «Yaxshi, ovqatlanish uchun bir-ikki daqiqa ajratish mumkin, futbolchilar – buni amalga oshiring», deb aytgan. Rayan Sherki va Rayan Ait-Nuri kun bo'yi hech narsa eyishmagan edi, shu sababli birinchi bo'limda biroz vitaminlar qabul qilib olishdi», — dedi Gvardiola.
Bosh sahifaga
241