«Arsenal», «Siti» va «Chelsi» «PSJ» iqtidori uchun kurashga qo'shildi

Frantsiyaning «PSJ» klubi yarim himoyachisi Senni Meyulyu hozircha parijliklar bilan amaldagi mehnat shartnomasini uzaytirish borasida kelishuvga erishgani yo'q. Uning amaldagi shartnomasi 2026/2027 yilgi mavsum yakunida nihoyasiga etadi.

«Caught Offside» nashrining xabar berishicha, Angliya Premer-ligasining top-klublari ushbu vaziyatdan foydalanib qolmoqchi. 19 yoshli futbolchining transferiga Londonning «Arsenal», «Manchester Siti» va «Chelsi» klublari qiziqish bildirmoqda.

Agar «PSJ» futbolchi bilan yangi shartnoma bo'yicha kelisha olmasa, uni taxminan 60 million evro evaziga qo'yib yuborishga tayyor.

Joriy mavsumda Meyulyu 28 ta uchrashuvda maydonga tushib, o'z hisobiga to'rtta gol va beshta golli uzatmani yozdirib qo'ydi.