Semeno "Lids" ustidan qozonilgan qiyin g'alaba haqida gapirdi

"Manchester Siti" vingeri Antuan Semeno "Lids"ga qarshi bo'lib o'tgan o'yin haqidagi fikrlari bilan o'rtoqlashdi.

"Juda qiyin o'yin bo'ldi. Ba'zi vaziyatlarda raqib bizga qiyinchiliklar tug'dirdi, shu sababli so'nggi daqiqalarda charchab qolgan "Siti" futbolchilarini ko'rganingiz — bu biz ushbu o'yinga sarflagan kuch-g'ayratimiz natijasidir... Bu ajoyib g'alaba bo'ldi", — deya Semenoning so'zlarini keltiradi "City Report".

Angliya chempionatining 28-turidan o'rin olgan uchrashuv "Manchester Siti"ning "Lids" ustidan qozonilgan 1:0 hisobidagi safardagi g'alabasi bilan yakunlandi. Yagona gol muallifi Semeno bo'ldi.

Xosep Gvardiola shogirdlari turnir jadvalida ikkinchi o'rinni egallab turishibdi va "Arsenal"dan ikki ochkoga ortda qolmoqdalar.