Kimmix: "Ikkinchi bo'limda "Borussiya"ga qiyin bo'lishini tushungandik"

"Bavariya" yarim himoyachisi Yozua Kimmix Dortmundning "Borussiya" jamoasiga qarshi o'tkazilgan Bundesliga o'yini (3:2) yakunlarini sarhisob qildi.

Myunxenliklar tanaffusgacha minimal hisobda imkoniyatni boy berayotgan edilar, biroq 70-daqiqaga kelib Harri Keynning dubli evaziga hisobda oldinga chiqib olishdi. 83-daqiqada "arilar" muvozanatni tiklashdi, ammo ko'p o'tmay mehmonlar yana gol urishdi va ustunlikni qo'ldan chiqarishmadi. G'alaba goliga Kimmix mualliflik qildi.

"Bugun jismoniy kurashlar va xatolar ko'p bo'ldi — ayniqsa birinchi bo'limda. Ritm doimo buzilib turdi. Ikkinchi bo'limda esa o'yin ancha dinamik tus oldi. Tanaffusda "Borussiya" uchun Chempionlar ligasidagi o'yinlar bilan bog'liq tig'iz taqvim sababli bunday tempni davom ettirish qiyin bo'lishini tushunib turgandik. O'yin oxiriga kelib bizda ustunlik bo'lishini bilardik. Xayriyatki, bu ustunlikdan foydalana oldik", — deya Kimmixning so'zlarini keltiradi Bayern & Germany.

"Bavariya" turnir jadvalida "Borussiya" bilan oradagi farqni 11 ochkogacha etkazdi.