Adesanya va Romero rasvo jang o'tkazishdi

UFC-248 turnirining markaziy jangi kutilgan keskinlikni keltirib chiqarmadi. Sabablarini tushuntirib o'taman.

Israel Adesanya. Jang oldi promolarida o'rta vazn yangi chempioni bitta gapni ko'p takrorladi. Hamma Romerodan qochadi, men esa u bilan jang qilmoqchiman. Jang qilishga qildi. Lekin, boshqalardan farqli ravishda oktagonning ichida qochib yurdi. Romero pushkasidan panada turib, masofadan lou kiklar, ba'zida xay kiklar tepib minimal hisobda ustun keldi. Muxlislardan yomon reaktsiya oldi.

Yoel Romero. Jang boshlanishi bilan u oktagon markaziga qotib turib oldi. Boshida hech kim tushunmadi. Ammo bu xarakati passiv jang belgisi edi. Uyog'iga kuch tejadi va oldinga deyarli bormadi. Yaqinlashish imkoni bo'lganda 1-2 zarbasini o'tkazdi. Jangdan so'ng qarordan va Adesanyaning yugurib yurishidan norozi bo'ldi. D.Uayt uni qoraladi.

Ikkala jangchi bu to'qnashuvdan so'ng tanqiddan boshqa narsa eshitmadi. UFC o'zining rostmana shiddatli, biroz ayovsiz kurashlari bilan muxlislar e'tiboriga tushgan. Bunday tejamkor uslublar oqlanmaydi.

Turnirni ko-meyn-ivent, ya'ni ikkinchi markaziy jang qutqarib qoldi. Ayollar o'rtasida engil vazn chempionligi uchun Yoanna Endjeychik va Jang Veyli fantastik bellashuv o'tkazishdi.

Deyarli barcha mutaxassislar bu jangni ayollar MMA tarixidagi eng zo'r deb tan olishdi. Xitoylik Veyli bahsli qaror bilan g'alaba qozonib kamarni o'zida saqlab qoldi.