"Inter" 27 ta o'yindan so'ng 67 ochko jamg'ardi — bu klub tarixidagi uchinchi natija

Milanning "Inter" klubi A Seriyada raqiblarini tor-mor etishda davom etmoqda. 27-turda jamoa "Djenoa"ni 2:0 hisobida mag'lub etdi va hozirda ruminiyalik mutaxassis Kristian Kivu shogirdlari hisobida 67 ochko mavjud.

Bu klub tarixida mana shunday davr oralig'idagi uchinchi ko'rsatkichdir — A Seriyaning 27 turidan so'ng "Inter"da faqat ikki marta bundan ko'proq ochko bo'lgan:

2023/2024 yilgi mavsumda — 72 ochko;

2006/2007 yilgi mavsumda — 73 ochko.

Italiya chempionatining navbatdagi turida "Inter" "Milan"ga qarshi maydonga tushadi.