Gvardiola "Manchester Siti"ning minimal hisobdagi g'alabasidan so'ng o'z fikrlarini bildirdi

"Manchester Siti" bosh murabbiyi Xosep Gvardiola Premer-liga doirasida "Lids"ga qarshi kechgan o'yindagi g'alabadan (1:0) so'ng o'z mulohazalari bilan o'rtoqlashdi. Uchrashuvdagi yagona gol birinchi bo'lim yakunida Antuan Semeno tomonidan kiritildi.

Ushbu natijadan so'ng "shaharliklar" turnir jadvalida peshqadamlik qilayotgan "Arsenal" bilan oradagi farqni yana ikki ochkogacha qisqartirishdi.

"Biz juda ko'p uzatmalarni amalga oshirdik. Eng qiyin safar o'yinlaridan birini g'alaba bilan yakunlashga muvaffaq bo'ldik. Chempionat yakunigacha o'nta o'yin qoldi, shuning uchun hozir mana shunday g'alabalarning ayni vaqti", — dedi Gvardiola BBCga bergan intervyusida.

Chorshanba kuni, 4 mart kuni "Manchester Siti" o'z maydonida "Nottingem Forest" jamoasini qabul qiladi.