Flik boshqaruvidagi "Barsa": 100 ta o'yin va hayratlanarli statistika

Xans-Diter Flik "Barselona" bosh murabbiyi sifatida o'zining 100-o'yinini o'tkazdi. Bugun Kataloniya jamoasi La Liganing 26-turi doirasida "Vilyarreal"ni 4:1 hisobida mag'lub etdi.

Germaniyalik murabbiy qo'l ostida "Barsa" 75 ta g'alabaga erishdi, 9 bor durang o'ynadi va 16 marta mag'lubiyatga uchradi. Jamoa raqiblar darvozasiga 281 ta to'p kiritib, o'z darvozasidan 119 ta gol olib chiqdi.

Flik davrida "Barselona" safida eng ko'p o'yin o'tkazgan futbolchilar: Jyul Kunde (92 ta o'yin), Pau Kubarsi (90 ta) va Lamin Yamal (89 ta).

Flik boshqaruvida "Barselona" uchun eng ko'p gol kiritgan futbolchilar: Robert Levandovski (56 ta), Rafinya (48 ta), Lamin Yamal (36 ta) va Ferran Torres (35 ta).