La Liga. Flikning 100-o'yinida "Barsa" "Vilyarreal"ni tor-mor keltirdi, Yamaldan xet-trik

"Barselona" o'z maydonida Ispaniya chempionatining 26-turi doirasida "Vilyarreal"ni yirik hisobda mag'lub etdi — 4:1.

Mezbonlar safida Lamin Yamal uchta gol urib, o'z faoliyatidagi ilk xet-trikni rasmiylashtirdi. Yana bir gol Robert Levandovski hisobiga yozildi. Mehmonlardan esa Pape Guye gol urishga muvaffaq bo'ldi.

Kataloniyaliklar Xansi Flik boshqaruvi ostidagi 100-uchrashuvini o'tkazishdi.

"Ko'k-anorranglilar" 64 ochko jamg'arib, La Liga turnir jadvalida peshqadamlik qilishmoqda. Bitta zaxira o'yiniga ega bo'lgan "Real" bilan oradagi farq to'rt ochkoni tashkil etadi. "Vilyarreal" esa 51 ochko bilan uchinchi pog'onada joylashgan.

La Liga. 26-tur
28.02.2026 | 20:15
«Kamp Nou», Barselona

«BARSELONA» — «VIL'YaRREAL» — 4:1 (LIVE)
Gollar: Yamal 28 (1:0), Yamal 37 (2:0), Guye 49 (2:1), Yamal 69 (3:1), Levandovski 90 (4:1).

«Barselona»: X. Garsiya, Balde, E. Garsiya, Kubarsi, Kunde, Olmo (Pedri, 59), Bernal (Arauxo, 67), Fermin Lopes, Rafinya (Reshford, 73), Torres (Levandovski, 67), Yamal (Bardji, 73).

«Vilyarreal»: Luis Junior, Kardona (Gonsales, 80), Veyga, Navarro, Mourino, Moleyro (Pedrasa, 67), Guye, Komesanya (Parexo, 80), Pepe (Oluvaseyi, 84), Mikautadze, Peres (Byukenen, 67).

Ogohlantirishlar: Bernal (53), Rafinya (56) — Pedrasa (68).