"Liverpul"ning eng sermahsul futbolchisi: Ekitike APLda navbatdagi golini kiritdi

"Liverpul" hujumchisi Yugo Ekitike klub safidagi o'zining 16-golini kiritdi. Frantsuz futbolchisi APLning 28-turidan o'rin olgan "Vest Xem"ga qarshi uchrashuvda hisobni ochdi va jamoasining 3-goli muallifi Aleksis Makallisterga assist berdi (3:1, ikkinchi bo'lim).

Ekitike "qizillar" tarkibidagi debyut mavsumini o'tkazmoqda. U barcha turnirlarda 37 ta o'yinda maydonga tushib, 16 ta gol va 5 ta golli uzatmani amalga oshirdi — hozirda u foydali harakatlar soni bo'yicha jamoa etakchisi bo'lib turibdi.