Entso Mareska "Lester" o'yinida ko'rinish berdi

Entso Mareska deyarli ikki oydan beri ishsiz yuribdi — u aynan 1 yanvar kuni "Chelsi" bosh murabbiyi lavozimidan bo'shatilgan edi. Hozirda Chempionship doirasida "Lester" va "Norvich" jamoalari o'rtasida o'yin bo'lib o'tmoqda. Mareska stadionda bo'lib turibdi — tegishli fotosuratlar ijtimoiy tarmoqlarda paydo bo'ldi.

Bundan avval matbuotda Mareskaning "Lester" boshqaruviga qaytishi mumkinligi haqida ma'lumotlar tarqalgan edi. Jamoa hozirda qiyin davrni boshdan kechirmoqda — Chempionshipda 22-o'rinni egallab turibdi, ya'ni xavfli hududda (quyi ligaga tushib ketish zonasida) joylashgan.

Entso Mareska 2023/2024 yilgi mavsumda "Lester" bosh murabbiyi bo'lgan edi. O'shanda "tulkilar" Chempionshipda g'olib chiqib, APLga yo'l olishgandi.