Robin van Persi Sterlingni himoya qildi: "Siz hech narsani tushunmaysiz"

"Feyenoord" bosh murabbiyi Robin van Persi Rahim Sterlingga nisbatan bildirilayotgan tanqidlarga javob qaytardi.

Ingliz vingeri 12 fevral kuni Rotterdam jamoasiga kelib qo'shildi. U yangi klubidagi debyutini "Telstar"ga qarshi o'yinda (2:1) o'tkazdi va maydonda 29 daqiqa harakat qildi.

"Vaziyatni biroz tushunish kerak: u qaerdan kelganini, o'tmishda nimalarga erishganini va bir necha oy davomida hech qaysi jamoa bilan mashg'ulot o'tkazmaganini inobatga olish lozim.

Men top-darajadagi o'yinchidan ko'p narsa kutilishini tushunaman, lekin agar siz uni olti oylik tanaffusdan keyingi birinchi o'yindagi yarim soatlik harakati uchun tanqid qilayotgan bo'lsangiz, demak siz haqiqatan ham hech narsani tushunmaysiz", — dedi van Persi.