"Keyingi 5 yilda 5 ta EChL kubogi": Mark Siriya "Barselona" uchun super-loyiha tayyorlamoqda

«Barselona» prezidentligiga nomzod Mark Siriya klub uchun ishlab chiqilgan ulkan va ambitsiyali rejalari bilan o'rtoqlashdi.

«Biz katta yulduzlarni jamoaga jalb qilish uchun iqtisodiy jihatdan barqaror va hayotiy loyihani taklif qilmoqchimiz. Bizning asosiy maqsadimiz va orzumiz — «La Masiya» tarbiyalanuvchilari hamda jahon darajasidagi yulduzlar ishtirokiga asoslangan model yordamida keyingi 5 ta Chempionlar ligasi bahslarida g'alaba qozonish», — dedi kataloniyaliklar tarbiyalanuvchisi hisoblangan Siriya o'z saylovoldi kampaniyasi taqdimotida.

Eslatib o'tamiz, «Barselona»da navbatdagi prezidentlik saylovlari 2026 yilning martiga belgilangan. Mark Siriya amaldagi prezident Joan Laportaning asosiy raqobatchilaridan biri bo'lishi kutilmoqda. Uning iqtisodiy rejasi klubning qarzlarini kamaytirish va transfer bozorida yana «qirol»ga aylanishni ko'zda tutadi.