"Aston Villa" Emeri davrida faqat ikkinchi marta xavfli zonadagi jamoaga mag'lub bo'ldi

Angliya chempionatining 28-turida «Aston Villa» safarda kutilmaganda «Vulverxempton»ga imkoniyatni boy berdi. Uchrashuv 0:2 hisobida mezbonlar foydasiga hal bo'ldi.

«OptaJoe» taqdim etgan ma'lumotlarga ko'ra, Unai Emeri boshqaruvi ostida «Aston Villa» Premer-liga doirasida xavfli hududda borayotgan jamoalarga qarshi o'tkazilgan 26 ta o'yinda bor-yo'g'i ikkinchi bor mag'lubiyatga uchradi. «Sherlar» ushbu bahslarning 18 tasida g'alaba qozonib, 6 bor durang o'ynashgan edi. Qizig'i shundaki, har ikkala mag'lubiyat ham bir xil — 0:2 hisobida qayd etilgan.

Hozirda «Aston Villa» APL turnir jadvalida 51 ochko bilan uchinchi o'rinni egallab turibdi. 29-turda birmingemliklar o'z maydonida Londonning «Chelsi» klubini qabul qilishadi. Ushbu bahs 4 mart kuniga belgilangan.