«Real»ni finallarda mag'lub etganmiz»: Laporta «Barselona»ning chempionligiga ishonmoqda

Kataloniyaning «Barselona» klubi prezidenti Joan Laporta joriy mavsumdagi chempionlik kurashi haqida o'z fikrlarini bildirib o'tdi.

«Biz so'nggi uchta finalda «Real» ustidan g'alaba qozondik. Bu mavsumda «Barselona» barcha prognozlarga qaramay, Ispaniya chempioni bo'ladi», — deya klub rahbarining so'zlarini keltirmoqda «Sport.es» nashri.

Eslatib o'tamiz, «ko'k-anorranglilar» La Liganing amaldagi g'olibi hisoblanishadi.

Ayni damda Xans-Diter Flik shogirdlari turnir jadvalida 61 ochko bilan birinchi o'rinni egallab turishibdi va Madridning «Real» klubini bir ochkoga ortda qoldirishmoqda. «Barselona» navbatdagi uchrashuvni o'z maydonida «Vilyarreal»ga qarshi o'tkazadi.