«Nottingem Forest» yulduziga 55 million evro narx belgilandi: Unga 5 ta top-klub qiziqmoqda

«Nottingem Forest» markaziy himoyachisi Murillo Angliya Premer-ligasining ko'plab klublari qiziqishlar doirasiga tushdi. Bu haqda «Teamtalk» jurnalistlari xabar bermoqda.

Manbaning ma'lumotiga ko'ra, braziliyalik futbolchini o'z safiga qo'shib olishga Londonning «Arsenal» va «Chelsi» klublari jiddiy qiziqish bildirmoqda. Shuningdek, Murilloni o'z tarkibida ko'rishni istayotganlar qatorida «Liverpul», «Tottenxem» va «Manchester Yunayted» ham bor.

23 yoshli braziliyalikning transfer qiymati ayni damda 55 million evroga baholanmoqda. Himoyachi va «o'rmonchilar» o'rtasidagi amaldagi shartnoma 2029 yilning iyun oyi oxirigacha amal qiladi.

Joriy APL mavsumida Murillo 19 ta uchrashuvda maydonga tushib, bitta gol urishga muvaffaq bo'ldi.