Rosenor: "Biz 12 ta o'yindan 8 tasida g'alaba qozondik, aslida 10 tasida yutishimiz kerak edi"

"Chelsi" bosh murabbiyi Liam Rosenor Opta superkompyuteri jamoa uchun mavsumning eng qiyin pallasi kelayotgani haqidagi taxminga munosabat bildirdi.

"Men har bir o'yinga alohida yondashaman. Bu haqda avval ham aytganman. APLda har hafta qiyin o'yinlar bo'ladi.

Men qaysidir o'yinni boshqasidan ko'ra qiyinroq deb baholamayman. Tarkibdan va ko'rsatayotgan o'yinimizdan mamnunman. Biz 12 ta o'yindan 8 tasida g'alaba qozondik, aslida esa 10 tasida yutishimiz kerak edi. Bu yomon natija emas.

Men uchun futbolchilarning jismoniy va ruhiy jihatdan iloji boricha tetik bo'lishlari muhim. Mashg'ulotlarda jamoa yaxshi ko'rindi", — dedi Rosenor jurnalistlarga.

1 mart kuni "Chelsi" "Arsenal"ga qarshi maydonga tushadi.