Muhsin Muhammadiev: «Paxtakor»ning birinchi goli bo'yicha bizda savollar bor»

Superliganing 2-turidan o'rin olgan “Paxtakor” – “Buxoro” jamoalari o'rtasidagi o'yindan so'ng buxoroliklar bosh murabbiyi Muhsin Muhammadiev o'z fikrlarini bildirdi.

"Paxtakor” jamoasini g'alaba bilan tabriklayman. Biz o'yinning 66-daqiqasigacha yomon taassurot qoldirmadik. Birinchi golni biz hali takroran ko'rib chiqamiz va tahlil qilamiz, aynan ushbu gol bo'yicha bizda savollar bor. Lekin baribir ham jamoam o'ziga yuklatilgan vazifani, ya'ni himoyalanishni qo'lidan kelgancha bajardi. Zamonaviy futbolda, to'pni o'zida saqlab turish bilan g'alaba qozonib bo'lmaydi. “Paxtakor” 3-4 vaziyatni hisobga olmaganda, aytarli vaziyat yarata olmadi", — dedi Muhammadiev.