"Real" so'nggi 7 mavsumda 6-marta "Man Siti" bilan EChL pley-offida o'ynaydi

Ushbu mavsumda umumiy bosqich doirasida o'zaro o'yin o'tkazgan (1:2) "qaymoqranglilar" va "shaharliklar" so'nggi etti mavsum ichida oltinchi bor ChL pley-off bosqichida bir-birlariga qarshi maydonga tushishadi.

2020 yilda "Siti" "Madrid"ni 1/8 finalda musobaqadan chiqarib yuborgan (2:1, 2:1), 2022 yilda yarim finalda "Real" g'alaba qozongan (3:4, 3:1), 2023 yilda ham yarim finalda APL klubi kuchliroq chiqqan (1:1, 4:0), 2024 yilda 1/4 finalda ispaniyaliklar keyingi bosqichga yo'l olishgan (3:3, 1:1, penaltilar seriyasida – 4:3), 2025 yilda esa "Real" zafar quchgan (3:2, 3:1).

Qayd etish lozimki, jamoalar 2016 yilgi yarim finalda ham o'zaro to'qnash kelishgan — o'shanda "Real" keyingi bosqichga chiqqan (0:0, 1:0). 2012 yilda esa guruh bosqichida ikkita o'yin o'tkazilgan — "Real" foydasiga 3:2 va 1:1 hisobi qayd etilgan.