Elliot Anderson: "Nottingem Forest" Evropa Ligasida g'olib chiqishga qodir"

"Nottingem Forest" yarim himoyachisi Elliot Anderson klub joriy mavsumda Evropa Ligasida oxirigacha borish uchun etarli sifat va ishonchga ega ekanligini ma'lum qildi.

2024 yilning yozida jamoaga kelib qo'shilganidan beri Nunu Eshpiritu Santu yarim himoyasining asosiy figurasiga aylangan "Nyukasl Yunayted" akademiyasining sobiq tarbiyalanuvchisi yaqinda bergan intervyusida o'z fikrlari bilan o'rtoqlashdi.

"Bu albatta mening xayolimda va umid qilamanki, boshqa o'yinchilarning ham fikri shunday", — dedi u TNT Sports telekanaliga. "Bizda albatta yaxshi imkoniyat bor. Ayniqsa, agar oxirgi ikki o'yindagidek harakat qilsak".

"Forest" hozirgacha Evropada mustahkam himoya va xavfli qarshi hujumlarni uyg'unlashtirgan holda barchada taassurot qoldirmoqda. Andersonning kuchayib borayotgan ta'siri — uning energiyasi, uzatmalar diapazoni va o'yinni bog'lash qobiliyati — jamoaga barcha musobaqalarda tempni saqlab qolishga yordam berdi.

23 yoshli yarim himoyachi ushbu mavsumda muntazam maydonga tushmoqda va Premer-liganing 27 ta o'yinida 1 ta gol hamda 2 ta golli uzatmaga mualliflik qildi.