"Real" Argentina terma jamoasi yulduzi uchun bor imkoniyatini ishga solishga tayyor, biroq bir jihat bor

Madridning "Real" klubi kelayotgan yozda yarim himoya chizig'ini kuchaytirishni rejalashtirayotgani haqida gap-so'zlar yuribdi. Matbuot anchadan beri Madrid klubini "Chelsi" a'zosi Entso Fernandes bilan bog'lamoqda.

The Touchline nashrining xabar berishicha, "Real" Fernandes uchun bor imkoniyatini ishga solishga tayyor, biroq futbolchining yaqinlashib kelayotgan Jahon chempionatida qanday ishtirok etishi hal qiluvchi sinov bo'ladi.

"Real", shuningdek, "PSJ" futbolchisi Vitinyaga ham jiddiy qiziqish bildirmoqda. Shu bilan birga, Madrid klubi parijliklar bilan munosabatlar yomonligi sababli portugaliyalik futbolchining transferini amalga oshish ehtimoli past deb hisoblamoqda.

25 yoshli Entso Fernandes nufuzli Transfermarkt portali mutaxassislari tomonidan 85 million evroga baholanmoqda. O'yinchining "Chelsi" bilan shartnomasi 2032 yilning o'rtalarigacha amal qiladi. O'tgan Jahon chempionatida Fernandes turnirning eng yaxshi yosh o'yinchisi deb topilgan edi.