Slot Salohning formasi haqida: "Ekitike va Gakpo ham unchalik ko'p gol urishmayapti"

"Liverpul" bosh murabbiyi Arne Slot Salohning so'nggi o'yinlari haqida fikr bildirdi.

"Biz Salohning ko'p gol urishiga o'rganib qolganmiz — menimcha, uning ishtirokidagi asosiy farq ham shunda. Lekin biz shuni ham bilamizki, mening faoliyatim davomida bunday holat avval ham kuzatilgan: mendan nima uchun Saloh ketma-ket uch-to'rtta o'yinda gol urmagani haqida so'rashgan. Bilaman, yakunda u baribir yana gol urishni boshlaydi. Bu ham u, ham biz uchun bir chaqiriq.

Saloh biz o'rganganimizdan kamroq gol urayotgan yagona hujumchimiz emas. Faqat unga e'tibor qaratish kerak emas. Ekitike va Gakpo ham so'nggi o'yinlarda unchalik ko'p gol urishmayapti. Shunday ekan, bu jamoaviy masala", — dedi Slot matbuot anjumanida.

"Liverpul" ayni damda Premer-liga turnir jadvalida oltinchi pog'onani egallab turibdi.